Karol Kajzer

Kolumb a Czesi

Czesi to je, wiycie, strasznie wiesioły noród. Radzi sie bawióm, tańcujóm, srandujóm, a myzyke to majóm takóm jak mało kaj. Kiej ta bezkurcyjo, czesko dechówka zagro, to nogi same chodzóm, a człowiek jakby o dwacet roków łodmłodnioł. Nie dziwota, że Czechów też wszyndy znajóm z pieknej muzyki, aha i jeszcze z knedliczków.

A z tóm muzykóm to też było tak. Kiedy Kolumb odkrywoł Ameryke i przipłynół szyfami ku brzegowi, tam już czakała na niego i witała go cze­sko kapela. Kapelmajster pieknie sie pokłónił i prawi:
 - Tak dobni deń, panie Kolumbus, my was tadi peknie witame na te americke zemi. Hnet wam tadi neco zahrame. Nu hoszi, sakra do dela. Pro pana Kolumbusa.

I muzyczka rżła aż hej. Tak to Czesi aji Kolumba ubiygli i z kapelóm w Hameryce witali.

(Według opowiadania Franciszka Kajzera z Pierśćca)

Artykuł pochodzi z „Kalendarza Miłośników Skoczowa” udostępniony dzięki uprzejmości Towarzystwa Miłośników Skoczowa.